Viral video: सर्वसामान्यांच्या अगदी जवळचा विषय म्हणजे लोकल. रेल्वे तिकिटाची किंमतही अगदी क्षुल्लक आणि परवडणारी असते. तरीही काही फुकटे प्रवासी तिकीट काढत नाहीत. काही दिवसांपासून रेल्वेने या फुकट्या प्रवाशांवर कारवाई करण्यास सुरुवात केलीय. याचाच गैरफायदा घेत गेल्या काही वर्षांत रेल्वेस्थानकांत, लांब पल्ल्याच्या रेल्वेमध्ये तोतया तिकीट तपासनीसांचा सुळसुळाट झाला आहे. एका तरुणीने चक्क टीटीई अर्थात प्रवासी तिकीट परीक्षक बनून पैसे उकळण्याचा प्रयत्न केला. या बनावट टीटीईचा व्हिडीओ सर्वत्र व्हायरल होत आहे. प्रवाशांनी या तरुणीचा भांडाफोड केला असून, त्याचा व्हिडीओ सध्या सर्वत्र व्हायरल होत आहे.

उत्तर प्रदेशातील झांशी येथे पातालकोट एक्स्प्रेसमध्ये ही घटना घडली. संबंधित तरुणीचे हावभाव पाहून प्रवाशांना ती बनावट टीटीई आहे, अशी शंका आली. मग त्यांनी तिची विचारपूस करताच तिचा खरा चेहरा समोर आला. प्रवाशांनी तिला पोस्टिंग आणि इतर बाबींबद्दल विचारले असता, ती बनावट टीटीई गडबडली. मग प्रवाशांचा संशय वाढला आणि सत्य समोर आले. प्रवाशांनी तिला जॉब नंबर आणि इतर काही पुरावे दाखविण्यास सांगितले. आयडी कार्डबद्दल प्रवाशांनी विचारले असता, तरुणीची तारांबळ उडाली.

आणखी वाचा
VIDEO: अखेरचा हा तुला दंडवत…दीड फुटाचा डेस्क अन् त्यावर गाळलेला घाम; सहाय्यक कृषी अधिकाऱ्याची पोस्ट व्हायरल
एका चित्रपटाने मिळवून दिली प्रसिद्धी, पण नंतरचे २० सिनेमे ठरले फ्लॉप; आता ‘हा’ व्यवसाय करतोय बॉलीवूड अभिनेता
Car Accessories : ड्रायव्हिंगसाठी ‘या’ १० ॲक्सेसरीज ठरतील बेस्ट; स्वस्तात होईल काम, प्रवासातील अडचणी होतील झटक्यात दूर
‘आयुष्य सर्वांसाठी सारखं…’ प्रवाशाला चहा देण्यासाठी चहा विक्रेत्याची धडपड; VIDEO पाहून तुमच्याही डोळ्यात येईल चटकन पाणी
VIDEO: मिनिटभर उशिर झाल्याने विमान चुकलं पण आयुष्य वाचलं; ब्राझीलमध्ये प्लेन क्रॅश झालं पण तो कसा वाचला पाहा
पंजाब मेल एक्स्प्रेसच्या जनरल बोगीला आग लागल्याची अफवा; प्रवाशांनी चालत्या रेल्वेतून मारल्या उड्या, २० पेक्षा जास्त प्रवासी जखमी
रांगेत उभे राहूनच पेट्रोल भरा! पेट्रोल पंपावर दोन तरुणांमध्ये तुफान हाणामारी, व्हिडीओ होतोय व्हायरल
Video : हिंदीत नाही कन्नडमध्ये बोला; बेंगळुरूमध्ये बस कंडक्टर प्रवाशाविरोधात आक्रमक

शेवटपर्यंत ‘रुबाब’ नाही हटला

दरम्यान, काही प्रवाशांनी बनावट टीटीईला कोंडीत पकडल्यानंतर तिच्या सर्व लक्षात आले. मग तिने सावध पवित्रा घेत जॉब नंबरबद्दल बोलणे टाळले. त्यानंतर तिने तिकीट नका दाखवू, असे म्हणत तिथून पळ काढण्याचा प्रयत्न केला. परंतु, हुशार प्रवाशांनी तिचीच फिरकी घेत आमच्याकडे तिकीटच नसल्याचे तिला निक्षून सांगितले. मग तिने पुढे आणखी आपले नाटक पुढे सुरू ठेवत सांगितले की, मॅडमच्या सांगण्यावरून मी इथे आली आहे. माझे इथे काही चालत नाही. मी मध्य प्रदेशात असते. त्या तोतया टीटीई तरुणी आपले सोंग उतरवायला तयार नव्हती. शेवटचा प्रयत्न म्हणून तिने संबंधित प्रवाशाला आपल्यासोबत चल, असे सांगून स्वत:ला खरे ठरवण्याचा प्रयत्न केला; पण तिथेही तिला अपयश आल्याने अखेर तिचा भांडाफोड झाला.

पाहा व्हिडीओ