Mobile unlimited calling and data:अनलिमिटेड कॉलिंग, डेटा प्लान बंद होणार? Jio, Airtel वोडाफोन युजर्ससाठी अत्यंत महत्त्वाची बातमी
Mobile unlimited calling and data: मोबाईल युजर्ससाठी एक महत्त्वाची बातमी आहे. रिलायन्स जिओ, एअरटेल आणि वोडाफोन आयडिया या कंपन्यांनी आपल्या रिचार्ज दरात वाढ केल्यावर भारतीय दूरसंचार नियामक प्राधिकरण म्हणजेच TRAI ने जुने केवळ वॉईस कॉलिंग आणि एसएमएस पॅक पुन्हा लॉन्च करण्याच्या संदर्भात सूचना मागवल्या होत्या.
त्यावर आता जिओ, एअरटेल आणि वोडाफोन आयडियाने ट्राय समोर आपलं म्हणणं मांडलं आहे.
रिलायन्स जिओ, एअरटेल आणि वोडाफोनने ट्रायला म्हटले की, आमचे रिचार्ज प्लान अशा प्रकारे तयार करण्यात आले आहेत की, युजर्सला वेगळा रिचार्ज प्लान खरेदी करण्याची गरज नाही. टेलिकॉम कंपन्यांच्या मते, त्यांनी आपले टेरिफ प्लान अशा प्रकारे डिझाईन केले आहेत की सर्व युजर्सला समान सुविधा मिळतील आणि त्यांना वेगळा किंवा एक्स्ट्रा प्लान खरेदी करण्याची गरज भासणार नाही.
टेलिकॉम कंपन्यांच्या मते, त्यांना आता वेगळे वॉईस आणि एसएमएस असे प्लान लॉन्च करण्याची गरज नाही. डेटा हा मॉडर्न टेलिकॉमचा सेंट्रल एलिमेंट बनला आहे. अनलिमिटेड डेटा आणि वॉईस कॉलिंगच्या मदतीने युजर्सला चांगला अनुभव मिळत आहे. यामुळेच पे-अॅज-यू-गो (pay-as-you-go) मॉडलच्या ऐवजी अनलिमिटेड ऑफर्स जास्त फायदेशीर ठरत आहेत. त्यामुळेच सर्व टेलिकॉम कंपन्या या मॉडेलला फॉलो करत आहेत.
हे पण वाचा : महागड्या रिचार्जला बाय-बाय; स्मार्ट फोनमध्ये एक सेटिंग करा, संपणार नाही इंटरनेट डेटा
एअरटेलने काय म्हटलं?
TRAI ने आपल्या इंडस्ट्री कंसल्टेशन पेपर्समध्ये याचा खुलासा केला आहे. एअरटेलने यावर उत्तर देताना म्हटले की, सध्या उपलब्ध असलेले प्लान्स खूपच साधारण आणि समजण्यासाठी सोपे आहेत. वॉईस, डेटा आणि एसएमएस प्लानमुळे युजर्सला चांगला अनुभव येत आहे. या रिचार्जचे सर्वात मोठे वैशिष्ट्य म्हणजे ते छुप्या शुल्कासोबत हे प्लान येत नाहीत. म्हणजेच या रिचार्जमध्ये त्यांना कोणते फायदे मिळणार आहेत याबाबतची माहिती त्यांना असते.
ट्रायच्या वतीने एक सर्वेक्षण करण्यात आले होते. यामध्ये 91 टक्के सब्सक्रायबर्स मानतात की, सध्या टेलिकॉम कंपन्या खूपच स्वस्त प्लान देत आहेत. 93 टक्के युजर्सच्या मते, हे प्लान मार्केट चॉईसच्या मते चांगले ठरत आहेत. एअरटेलने म्हटलं, असे प्लान्स पुन्हा लॉन्च केल्यास युजर्सला पुन्हा जुन्या काळात जावे लागेल. परिणामी युजर्सला कॉलिंग, डेटा यांच्यासाठी वेगवेगळे रिचार्ज करावे लागतील. यामुळेच असे रिचार्ज प्लान्स टाळायला हवेत. या संदर्भात ट्राने अद्याप कोणताही निर्णय घेतलेला नाहीये.